علق الإعلامي عمرو أديب، على رسالة الشكر التي وجهها أسامة مرسي، نجل الرئيس المعزول محمد مرسي، للشرطة بعد تمكنها من إعادة سيارة أسرته المسروقة، قائلًا: «إنشاء الله العربية تتروق وتتظبط وترجع أسرة الرئيس مرسي تركبها وهي سعيدة ومبسوطة آمنة مطمئنة، هم من أبناء مصر ولازم يتم التعامل معاهم زي أي حد تاني».
وأضاف «أديب»، خلال برنامجه «القاهرة اليوم»، على قناة «اليوم»، مساء السبت: «الشرطة قبضت على العصابة بعد ضرب نار على طريق المعادي علشان يجيبوا العربية الـBMW بتاعت الأستاذ اللي اتثبت بيها، بعد الكلام ما كان وقتها أن دي مؤامرة».
وتابع موجهًا حديثه لسارقي السيارة: «حظك مهبب مالئتش غير ابن مرسي وتسرقوا عربيته هو ناقص؟، هي المصائب لا تأتي فرادى؟، كفاية الراجل أبوه دخل السجن كمان تاخدوا العربية»، مُضيفًا: «أبن مرسي بيُثمن دور شرطة العمرانية في استعادة سيارة الأسرة اللي بتركب BMW سبور أربعة قدام وأربعة ورا، بس علشان تعرفوا أن ده وطن ديموقراطي مابيفرقش بين ابن رئيس وابن حد تاني».
0 التعليقات:
إرسال تعليق